Teksa sot priten të betohen 7 deputetë të rinj për mandatin, opozita nuk ka qëndruar duarkryq. Disa të rinj të Partisë Demokratike kanë mbërritur pranë Kuvendit, ku ka në vendosur disa pankarta thumbuese, këtë herë drejtuar deputetëve të rinj që kanë marrë mandatin.
Në pankartat e ngjitura, ata pretendojnë se deputetët e rinj janë blerë nga Rama me mbi 300 mijë euro. Pasi kanë ngjitur pankartat, ata kanë hedhur shashka para parlamentit e më pas janë larguar.
Mëngjesin e sotëm, policia ka shtuar masat e sigurisë, për t’i paraprirë ndonjë incidenti nga ana e opozitës. Megjithatë, protesta e madhe e opozitës së bashkuar është paralajmëruar se do të mbahet më 16 mars, ku është thënë ndër të tjera se “do të rrëzohet Rama”.
