Dy futbollistët e kombëtares, Alban Hoxha dhe Lorenc Trashi, së bashku me disa punonjës të federatës, kanë vizituar kampin e të prekurve nga tërmeti në Fushë-Krujë.
Përmes një postimi në Facebook, FSHF njofton se u ka dhuruar fëmijëve fanella dhe topa futbolli. Përveç kësaj ata kanë improvizuar edhe një ndeshje futbolli duke i ndihmuar kështu fëmijët që ta hiqnin mendjen për pak çaste nga situata e përjetuar.
Njoftimi i FSHF-së:
Në vijim të fushatës së ndërmarrë nga Presidenti Duka, punonjësit e FSHF dhe futbollistët e kombëtares, sot dy prej tyre Alban Hoxha dhe Lorenc Trashi vizituan kampin në Fushë-Krujë,ku dhuruan fanela të kombëtares dhe topa për fëmijët. Ata biseduan me të vegjlit që kanë kaluar momente të tmerrshme duke i inkurajuar. Kuqezinjtë improvizuan edhe nje ndeshje futbolli me vogëlushët.
