Policia italiane ka arrestuar 3 shqiptarë dhe një italian, pasi zbuluan një sasi të konsiderueshme kokaine të fshehur në një pyll.
Katër të arrestuarit të cilët shpërndanin drogë në rajonin toskan të Italisë, kishin vendosur ta fshihnin mallin në një pyll. Mediat italiane raportojnë se ata e kishin futur mallin me vlerë 20 mijë euro, nëpër kavanoza dhe i kishin groposur.
Por plani i tyre është prishur nga derrat e egër të cilët kanë nxjerrë në sipërfaqe lëndën narkotike. Policia i zbuloi ata gjatë përgjimit të telefonatave teksa ankoheshin për prishjen e kokainës.
Mësohet se 3 shqiptarët dhe italiani trafikonin rreth 2 kilogramë drogë çdo muaj në zonën e Valdichiana Senese dhe Aretina.
