Protesta e opozitës ka vënë në lëvizje policinë. Furgonë të policisë dhe dy makinat e ujit janë futur brenda perimetrit të Parlamentit.
Në më pak se dy orë para protestës së paralajmëruar para Parlamentit, Policia e Shtetit është pozicionuar në vendet strategjike, për të shmangur çdo incident të mundshëm.
Mësohet se rreth 800 forca policie nga komisariatet e Tiranës, do përbëjnë kordonin e sigurisë përreth Parlamentit. Në gatishmëri do jenë edhe FNSH, si dhe forcat RENEA, në rast se protestuesit do përplasen me policinë dhe do tentojnë të çajnë kordonin e sigurisë.
