Shqipëria fatmirësisht vijon të jetë e paprekur nga koronavirusi. Përfaqësuesja e Task-Forcës së ngritur nga Ministria e Shëndetësisë për COVID-19, u shpreh në një deklaratë për mediat se gjatë 24 orëve të fundit janë testuar 3 raste të dyshuar.
Të gjitha këto raste kanë rezultuar negativë. Në total deri më tani janë testuar 53 raste.
“Në 24 orët e fundit kemi pasur vetëm 3 raste të dyshuar, të cilët rezultuan negativë. 53 raste në total janë dyshuar, por kanë rezultuar të gjithë negativë.
Në 24 orët e fundit, në të gjitha pikat kufitare kanë hyrë mbi 17 mijë udhëtarë, ku është monitoruar temperatura për të gjithë. Ministria e Shëndetësisë rekomandon udhëtarët, që kanë pasur kontakte me persona të infektuar, të vetëkarantinohen për 14 ditë”.
