E diel, 1 Gusht, 2021
40.5 C
Tirana

Antverpi, “kryeqyteti” botëror i diamanteve

Kërkimi për diamantin e përsosur, që është shoqëruar gjithnjë me emocionet e dashurisë dhe lumturisë, ka qenë përherë i lidhur me qytetin e bukur të Antverpit në Belgjikë. Aty ndodhet në zonë e tërë që njihet si “Lagja e Diamanteve”.

Dhe kjo me të drejtë pasi Antverp, është realisht kryeqyteti i tregtisë së diamanteve të gjithë botës. Në fakt, këtu gjendet dhe tregtohet 84 për qind e diamanteve të botës, me një xhiro vjetore prej mbi 54 miliardë dollarë amerikanë.

Aty gjenden 380 punishte të përpunimit të diamantëve, që u shërbejnë mbi 1.500 kompanive. Po në këtë lagje ekzistojnë gjithashtu 3.500 ndërmjetës (dealer) dhe tregtarë. Lagja dominohet nga tregtarët hebrenj, indianë, maronitë (të krishterët e Libanit) dhe armenë.

Më shumë se 80 për qind e popullsisë hebraike të Antverpit punon në tregtinë e diamantëve. Madje gjuha hebreje ka qenë historikisht, një gjuhë kryesore e shkëmbimit të diamanteve. Për shkak të dominimit të tyre, asnjë lloj biznesi nuk zhvillohet të shtunave (Sabat), dita më e shenjtë në kalendarin e besimit fetar judaik.

Po si është shndërruar ky qytet i vogël, në krahasim me shumë metropole evropiane dhe botërore, në qendrën kryesore të tregtisë së diamanteve? Në fakt Antverpi nuk e ka fituar, por e ka pasur prej shekujsh këtë status. Ai ka qenë në fokus të tregtisë së diamanteve që nga shekulli i XV-të, kur gurët e parë të çmuar u sollën nga India.

Dalëngadalë, tregtarët vendas të diamanteve, nisën t’i kushtonin më shumë vëmendje detajeve, dhe u bënë jashtëzakonisht të aftë në procesin e përzgjedhjes së tyre. Dhe një ditë, edhe vetë Mbreti i Francës, Fransua I nisi të porosiste diamantë nga mjeshtrit e Antverpit, në vend se t’i blinte ato në Paris.

Industria pësoi një lloj revolucioni, kur Lodevik van Berken shpiku në vitin 1476 një formë të re të mjetit që e lëmon dhe u jep një shkëlqim të veçantë diamantëve. Kjo gjë tërhoqi vëmendjen e gjithë fisnikërisë evropiane, si dhe çoi në Antverp zejtarë nga e gjithë Evropa.

Një vit më vonë, më 1477-ën, Arkiduka Maksimilian i Austrisë i bleu gruas, Marias së Burgundit, një një dhuratë e bukur, një unazë diamanti me shkëlqim. Ai akt e shndërroi unazën e diamantit në një ornament klasik të propozimit për fejesë ose martesë.

Ndërkohë, Çarles Bold urdhëroi këtu prerjen dhe lustrimin e të famshmit Diamanti i Firences.

Ishte ky qytet, që nxiti zbulimin e një rruge të re detare drejt Indisë nga eksporatori portugez Vasko da Gama në vitin 1498. Zbulimi i kësaj rruge, e ndryshoi bilancin tregtar, duke e zhvendosur atë nga Venecia në Lisbonë. Kanali relativisht i qetë midis Lisbonës dhe Antverpit, lejon që qyteti-port të vazhdonte të shijonte pozicionin e tij të privilgjuar në industrinë e diamanteve.

Në vitet 1890, industria e diamantit në Antverp, u nxit nga familjet e tregtarëve të diamanteve dhe prodhuesve që vinin nga Amsterdami i Holandës. Ndërkohë, që nga fundi i shekullit XX-të, tregtarët indianë dhe armenë të diamanteve, kanë fituar një rol me rëndësi në tregtinë e diamanteve të këtë qytet.

Po në Antverp u themelua në vitin 1973 Qendra Botërore e Diamanteve Antëerp (AWDC), e cila është bërë një nga kompanitë private më të famshme dhe më të lavdëruara. Mjeshtëria e përpunuesve të diamantit në Antverp.

Sot, diamantet që shiten në këtë qytet, vazhdojnë të tërheqin miliona njerëz, por edhe tregtarë nga e gjithë bota, të cilët janë gjithmonë në kërkim të diamanteve më cilësorë. Sipas “The Neë York Times”, 8.000 njerëz nga 160 vende të ndryshme të botës vizitojnë çdo ditë 1.800 dyqane të ndryshme diamanti në Antverp, dhe blejnë apo shesin diamantë me vlerë 95 milionë dollarë. Ndërkohë, rekordi është 220 milionë dollarë blerje në një ditë. Minierat e mëdha të diamantëve në Afrikën e Jugut, Australisë, Rusisë dhe Kanadasë i dërgojnë direkt diamantet e nxjerrë në Antverp.

TIRANA TODAY

 

 

- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...