Një nga muzetë më të vizituar në botë vazhdon t’i kthejë mbrapsht turistët, pasi stafi nuk pranon të shkojë në punë nga frika e koronavirusit.
Bëhet fjalë për muzeun e Luvrit në Francë, i cili vitin e kaluar pati 9.6 milionë vizitorë. Kujtojmë se deri më tani janë konfirmuar 130 raste me koronavirus në Francë dhe 2 vdekje.
Autoritetet franceze kanë ndaluar grumbullimet masive që e kalojnë cakun e 5 mijë personave. Në zonat më të prekura janë mbyllur shumë prej shkollave dhe janë anuluar shërbesat fetare.
Tre rastet e reja të konfirmuara një ditë më parë janë ato të dy fëmijëve, një dhe 5 vjeç, si dhe të nënës së tyre 27 vjeçare në qytetin e Strasburgut.
