Situata nga koronavirusi në Francë vijon të përmirësohet, teksa ditën e sotme vendi ka shënuar një rënie të ndjeshme të numrit të viktimave.
Gjatë 24 orëve të fundit, në Francë kanë humbur jetën 131 persona rreth 350 më pak se një ditë më parë.
Sipas Worldometer, deri më tani Franca regjistron mbi 28 mijë viktima nga COVID-19. Franca vijon të mbetet në mesin e 10 vendeve më të prekura në botë nga koronavirusi, duke regjistruar më shumë se 180 mijë raste infektimi.
Për herë të parë që prej fillimit të marsit, ka rënë numri i personave në terapi intensive duke bërë që të ulet dhe numri i të vdekurve. Aktualisht numri i personave që ndodhen në terapi intensive është 1998.
Mbi 90 mijë raste të konfirmuara me koronavirus janë ende aktive në Francë.
