Para dy javësh, Franca lajmëroi se sistemi i aplikimit për azil është bllokuar. Kjo pasi vendi ka pasur një rritje shumë të madhe të numrit të azilkërkuesve dhe ligjvënësit francez i tremben një “bombe sociale” që mund të krijohet.
Në vijim të këtyre masave që qeveria franceze ka marrë për uljen e azilantëve është njoftuar se ka nisur kthimin mbrapsht të qindra emigrantëve të paligjshëm që prej kohësh ishin të vendosur në një kamp ilegal në pjesën veriore të Parisit.
Policia pariziene ka ndërhyrë duke e shkatërruar plotësisht kampin. Të gjithë personat që ishin të strehuar aty janë zhvendosur në rajonin Porte d’Aubervilliers. Ende nuk ka të dhëna si do të veprohet, nëse do të dëbohen apo do t’i nënshtrohen procedurave për pajisjen me lejeqëndrimi.
