Presidenti turk, Recep Tayyip Erdogan, ka reaguar pas thirrjes që Franca i bëri BE-së që të vendoste sanksione ndaj Turqisë.
Pa emërtuar askënd, Erdogan tha se një vend që nuk ka as një bregdet në Mesdheun Lindor po e shtyn Greqinë të ndërmarrë “lëvizje të gabuara” në rajon.
“Askush nuk duhet të mendojë shumë lart për veten e tyre. Për të qenë plotësisht i qartë: mos u lodhni kot!”, tha udhëheqësi turk, referuar Macronit.
Franca dërgoi sot avionë ushtarakë në ndihmë të Greqisë, të cilat u panë sot duke bërë ushtrime në ujërat greke me forcat vendase.
Përmes ushtrimeve të përbashkëta ushtarake greko-franceze, presidenti Macron e bëri të qartë për herë të parë se vendi i tij dëshiron të forcojë praninë e tij në Mesdheun Lindor.
Më parë sot, Franca tha se do të “forcojë përkohësisht” praninë e saj ushtarake në Mesdheun lindor “për të monitoruar situatën në rajon dhe të tregojë vendosmërinë e saj për të respektuar ligjin ndërkombëtar”.
Presidenti turk, Recep Tayyip Erdogan, sqaroi se dialogu dhe negociatat janë mënyra e vetme për të zgjidhur mosmarrëveshjen midis Turqisë dhe Greqisë për eksplorimin e energjisë në Mesdheun Lindor, duke shtuar se Ankaraja nuk po ndjek asnjë “aventurë” në rajon.
