Mbrëmjen e djeshme kanë përfunduar operacionet e kërkim-shpëtimit në dy zonat kryesore që u prekën nga tërmeti, në Durrës dhe Thumanë. Lajmi është dhënë dhe në kanale zyrtare, të cilët kanë pohuar se tashmë janë ndërprerë kërkimet nga të gjitha grupet e shpëtimit e ardhura nga vendet fqinje.
Në këtë foto, mund të shihet foto e grupit të emergjencave që erdhën nga Italia. Ata punuan intensivisht për të nxjerrë viktimat dhe mbijetuarit në Durrës dhe Thumanë. Krahas personelit janë larguar edhe qentë “heronj”, të cilët ndihmuan për të dalluar vendndodhjen e të mbijetuarve.
Kujtojmë që grupet e shpëtimit, ku bënin pjesë edhe qentë e specializuar për këto raste, kanë arritur të nxjerrin të gjallë 47 persona nga rrënojat. Ata janë heronjtë e heshtur deri në vetmohim në këtë ditë vështirë të kombit shqiptar.
