“Greta Thunberg është një udhëtare në kohë, e dërguar në Tokë për të na shpëtuar”.
Kjo që sapo lexuat është “teoria” më e fundit që po qarkullon në internet rreth aktivistes së re që po lufton për mjedisin.
Ideja në fjalë lindi pas publikimit në rrjetet sociale të një fotoje 120-vjeçare.
E nxjerrë nga arkivat e Universitetit të Uashingtonit që datojnë në vitin 1898, në foto shfaqen tre të rinj që nxjerrin ujë nga një pus në Kanada.
Një prej tyre është një vajzë, tepër e ngjashme me Gretën, madje ka dhe gërsheta.
Përballë këtij zbulimi, shumë përdorues të rrjeteve sociale po ngrenë hipoteza nga më të ndryshmet.
Disa janë të bindur se vajza e re në foton 120-vjeçare është Thunberg dhe se ajo është “dërguar në Tokë për të na treguar të ardhmen”.
“Nuk ka dyshim, ajo është një udhëtare e kohës, ajo pa se çfarë na pret dhe u dërgua këtu për të na paralajmëruar”, shkruhet gjithandej në media.
Gjithashtu mund të lexoni:
Po sfidon problemet shëndetësore për të shpëtuar botën, kush është Greta Thunberg
Carola Rackete dhe Greta Thunberg: Heroinat e reja të epokës tonë
