Nënkryetari i PD-së, Edi Paloka ka ironizuar diskutimet në lidhje me shkarkimin e presidentit Meta.
Përmes një postimi në Facebook, Paloka shprehet se kryeministri Rama po e zgjat kot shkarkimin e kreut të shtetit.
“Pse e zgjat kot Rama shkarkimin e Presidentit?! Eksperiencën e 30 qershorit e ke, prit sa te dali Meta nga zyra, shkallmo derën e zyrës dhe e zgjidh problemin”, shkruan Paloka.
‘Larg duart nga Kushtetuesja’, Presidenca paralajmërim të prerë për Ballën
Mirëpo i menjëhershëm ka qenë edhe reagimi i zëdhënësit të presidentit, Tedi Blushi, në lidhje me këtë çështje. Ai i drejtohet Palokës duke i thënë që të mos shohë ëndrra të tilla pasi Ilir Meta do të vijojë të jetë në krye të detyrës.
Blushi sqaron se Meta do të jetë në rast nevoje ushtari i parë në mbrojtje të Republikës dhe Kushtetutës.
Reagimi i plotë i Tedi Blushit:
Lidhur me sugjerimin e z.Paloka që Parlamenti (e përsërisim qartë se ka vetëm 82 deputetë legjitimë, sipas deklaratës së qartë që ka bërë Presidenti Meta në Pogradec në 20 mars 2019), të shkarkojë Presidentin apo sugjerimi tjetër që të pushtojnë Presidencën kur Presidenti Meta të mos jetë në zyrë, u bëjmë të qartë të gjithëve:
Të mos shohin ëndrra të tilla, sepse të gjithë shqiptarët e dinë se Presidenti Meta kudo që të jetë, në zyrë apo jashtë, do të jetë në krye të detyrës dhe është i bindur se populli shqiptar do t’i përgjigjet ÇDO THIRRJE DHE DEKRETI TË TIJ NË MBROJTJE TË REPUBLIKËS DHE RENDIT KUSHTETUES.
“Nisim veprimet për shkarkimin e Presidenti”/ Ballës nuk i del “inati” me Metën
Sqarojmë për të gjithë shqiptarët se z.Meta, jo vetëm është plotësisht i ndërgjegjshëm për përgjegjësitë e Tij Kushtetuese, si Kryetar i Shtetit, si Komandant i Përgjithshëm i Forcave të Armatosura dhe Kryetar i Këshillit të Sigurisë Kombëtare, por mbi të gjitha ai ËSHTË DHE DO TË JETË NË RAST NEVOJE USHTARI I PARË NË MBROJTJE TË REPUBLIKËS DHE KUSHTETUTËS.
