Ndërsa protesta e opozitës do të nisë për pak minuta, policia ka forcuar radhët duke shtuar qarkullimin në zonat më të populluara nga protestuesit. Mbi taracën e Kryeministrisë është vendosur një efektiv me snajper.
Ndërsa protestuesit me një instilacione në duar ku shikohet këtë herë të kenë dalë me fshesa në duar. Ndërsa është bërë e ditur se ata do të qëllojnë dhe me vezë.
Të rinjtë i mbajnë fshesat për të simbolizuar se Shqipëria e ka jetike të pastrohet nga krimi. Ata thonë se banderolat tregojnë se krimi, bashkë me Edi Ramën po e mbajnë larg vendin nga Bashkimi Europian. 
“Një nga kushtet kryesore për hapjen e negociatave është lufta kundër krimit të organizuar, por atë nuk mund ta bëjë një kryeministër që ka ardhur në pushtet nëpërmjet krimit dhe e mban pushtetin me kriminelët”, deklaruan protestuesit.
Ndërsa, në Bulevardin “Dëshmorët e Kombit” janë vendosur disa makina shi-hedhëse si pjesë e planit të masave nëse do të shihet e nevojshme përdorimi i tyre për qetësimin e protestuesve në rast të episodeve të dhunës. Nuk mungojnë as makinat e blinduara.
Të angazhuar në terren do të jenë rreth 1500 forca policore, si nga FNSH, RENEA etj. Ndërkohë në orët e para të ditës së sotme janë parë efektivët e shpërndarë dhe makina të shumta policie rreth kryeministrisë.
