Aktualitet

Foto/ Tritol makinës së blinduar në Tiranë, si i shpëtoi pronari atentatit


               Publikuar në : 10:26 - 19/10/19 Enno

Një makinë tip “Mercedes Benz S Class” u hodh në erë mëngjesin e të premtes me eksploziv C4, por pronari, Artion Bylyku, i cili në atë moment po hapte derën e automjetit, nuk pësoi lëndime. Ngjarja ndodhi në rrugën “Siri Kodra” në kryeqytet.

Sipas njoftimit të policisë, shpërthimi i fuqishëm ka ndodhur nga aktivizimi në distancë i një sasie të konsiderueshme eksplozivi C4, që ishte vendosur në pjesën e përparme të makinës. Mirëpo, ekspertët e kriminalistikës zbuluan edhe një tjetër sasi eksplozivi që ndodhej në pjesën e pasme, poshtë bagazhit, por që nuk ishte aktivizuar.

52-vjeçar u mor në pyetje nga oficerët e Krimeve të Rënda, i cili shpëtoi pa lëndime serioze, për shkak se automjeti i tij ishte i blinduar.

Ekspertët e Xhenios bënë shpërthimin e kontrolluar të pjesë së mbetur të tritolit dhe më pas kryen veprimet e tjera hetimore në vendin e ngjarjes. Ndërkaq, policia ka nisur hetimet për zbardhjen e rrethanave të ngjarjes, duke sekuestruar fillimisht pamjet e kamerave të sigurisë përreth zonës ku ndodhi shpërthimi.

Kthehu
WhatsApp Denonco ne TT