Gjatë luftës së parë botërore që i përkasin viteve 1914-1918 kemi fatin të shohim një koleksion me kartolina nga Shqipëria, i përgatitur nga shtypshkronja Purger në Gjermani.
Në serinë e fotove brilante që do t’u befasojnë, të mbledhura nga albanologu Robert Elsie.
Imazhe nga Shkodra, Tirana, Vlora, Durrësi, Kruja, etj. të sjella me ngjyra, rrëfejnë një realitet aq të largët gati të pabesueshëm.
“Shtypshkronja gjermane Purger & Co, me seli në Mynih, ishte aktive mes viteve 1899-1920. U bë e njohur për kartolina të hershme me ngjyra të shumë vendeve të Evropës dhe të Mesdheut, përfshirë edhe Shqipërisë.
Kartolinat u shtypën me anë të një procesi hromolitografik me tri ngjyra dhe ishin të numëruara, gjë që na ndihmon të saktësojmë datat e tyre përafërsisht. Ky koleksion prej 42 kartolinash të hershme të Shqipërisë, sigurisht jo i plotë, vjen nga vitet 1914-1918.
I jemi mirënjohës mikut të vjetër të Shqipërisë, Zoti Johen Blanken nga Hamburgu për dhënien në dispozicion të këtij koleksioni,” shkruan Elsie.
