Moti ka surprizuar sot edhe durrsakët, të cilët janë zgjuar me reshje bore. Në qytetin bregdetar ka rënë bora e parë për këtë dimër, por nuk ka shtruar pasi reshjet kanë qenë të rralla.
Ndryshimi i papritur i motit u paralajmërua dje nga sinoptikanët, ndërsa reshje shumë të rralla bore kanë rënë edhe në Tiranë, por thuajse të padukshme.
Nga ana tjetër, reshje bore ka pasur sot në zonat malore, Dibër e Korçë, por edhe Dajt i cili është mbuluar nga bora.
