Skena skandaloze ishin ato në përfundim të ndeshjes mes Kamzës dhe Laçit të vlefshme për kampionatin shqiptarë, tifozët vendas kanë dhunuar barbarisht arbitrin kryesor të takimit, Eldorjan Hamitin për një penallti të akorduar në minutat shtesë të takimit.
Gjyqtari u dhunua si nga tifozët, ashtu edhe nga drejtuesit e ekipit të Kamzës, ndërsa siç shihet në fotografinë e mësipërme njëri prej tyre e ka goditur me gur në kokë.
Hamiti u transportua menjëherë në spital, ku ka ndenjur disa orë dhe më pas u lejua të kthehej në shtëpi. Në një intervistë për “Panorama Sport”, ai tha se në atë fushë dje është ndierë i vrarë: fizikisht, moralisht dhe profesionalisht. “Më gjuajtën si mundën, sa mundën, me çfarë kishin në dorë”, ka thënë ai.
