Presidenti Ilir Meta i cili caktoi si datë të re zgjedhjesh, 13 tetorin, ditën e sotme ka publikuar një foto nga kafeneja e lagjes dhe ka bërë një urim për të gjithë shqiptarët. Kujtojmë se nesër pritet të mbahen zgjedhjet vendore, ndërkohë opozita i ka mohuar kategorikisht ato.
Lidhur me ditën e nesërme, Meta ka shkruar: “Të mos harrojmë se nuk ka vetëm të diel, por edhe të hënë. Dhe përsëri kafen e mëngjesit do e pimë me njëri-tjetrin, me fqinjët tanë dhe miqtë tanë, pavarësisht nga idetë e ndryshme politike”.
Reagimi i tij i plotë:
“Të dashur miq!
Kënaqësi t’ju uroj nga lagjja ku banoj një fundjavë sa më të qetë për të gjithë ju, dhe sa më pranë familjeve tuaja e njerëzve të dashur të zemrës. Po kështu sa më larg zhurmës, tensioneve dhe streseve.
Të mos harrojmë se nuk ka vetëm të dielë, por edhe të hënë. Dhe përsëri kafen e mëngjesit do e pimë me njëri-tjetrin, me fqinjët tanë dhe miqtë tanë, pavarësisht nga idetë e ndryshme politike”.
