Presidenti Ilir Meta, kryeparlamentari Gramoz Ruçi dhe kryeministri Edi Rama ishin të ftuar këtë të enjte në pritjen e organizuar nga Ambasada Gjermane në Tiranë me rastin e 3 tetorit, Ditës së Bashkimit të Gjermanisë.
Sakaq, kreu i shtetit është parë teksa shtrëngonte duart me Ruçin dhe kreun e grupit parlamentar të PS-së, Taulant Balla.
Nëpërmjet një postimi në “Facebook”, Meta nënvizon se Shqipëria do të jetë krah Gjermanisë, si mike dhe partnere strategjike.
“Mirënjohje të thellë për kontributin e çmuar, të gjithanshëm dhe të përhershëm që Gjermania i ka dhënë Shqipërisë në procesin e integrimit europian, konsolidimin e shtetit të së drejtës dhe reformave demokratike”, shkruan Meta.
