Qyteti kinez, Wuhan ishte epiqendra fillestare ku u zbulua Covidi-19, por 7 muaj pas daljes nga një prej karantinave më strikte në botë, zona është rigjallëruar.
Frika e virusit nuk ndihet as te personat e moshuar të cilët janë edhe më të rrezikuar ndaj virusit. Ata shihen duke u ndenjur në shoqërinë e njëri-tjetrit pa frikë dhe pa masa mbrojtëse.
Këtë vit, qyteti industrial me 11 milionë banorë u izolua nga pjesa tjetër e vendit duke i mbyllur të gjitha rrugët e tij lidhëse.
Rreth 3,900 nga mbi 4,600 viktimat e Covidit-19 në Kinë u raportuan pikërisht në Wuhan, por që prej fillimit të muajit maj, qyteti nuk ka regjistruar asnjë rast të ri.
Ekonomia është ende në fazën e rikuperimit të dëmeve si pasojë e mbylljes së fillimvitit, sidomos hotelet dhe restorantet. Kjo periudhë lirie po shfrytëzohet për të zbuluar edhe bizneset më të veçanta të natës.
