Zëdhënësja e PD-së, Ina Zhupa, ka reaguar pas debatit të djeshëm mes ministrit Lleshaj dhe disa banorëve në Lezhë.
Në faqen e saj në Facebook, Zhupa ka shpërndarë disa foto të pallatit për të cilin ministri Lleshaj tha se ishte një prishje normale dhe nuk ka nevojë që të përhapej panik tek qytetarët.
Zhupa e konsideron sjelljen e ministrit ndaj banorëve të pallatit si kriminale, teksa ironizon që “Shyqyr që nuk i hodhi gaz helmues për ti shpërndarë”.
“Kjo është gjendja e pallatit 12 katësh në Lezhë që Sandër Lleshaj guxonte në menyrë të papërgjegjshme të jepte mend edhe ti ulëriste banorëve edhe inxhinierit duke e konsideruar prishje normale. Kriminale si e gjithë sjellja e tij në krye të ministrisë së brendshme. Shyqyr që nuk i hodhi gaz helmues për ti shpërndarë!”
Kujtojmë se pak më herët, nënkryetari i LSI-së, Petrit Vasili, i bëri thirrje Prokurorisë për ndjekje penale ndaj ministrit Lleshaj për shkak të këtij akti.
