Shumë është folur gjatë ditëve të fundit për “Big Brother VIP”! Madje është aluduar edhe për dy emra të moderatoreve, ndonëse ende nuk ka një konfirmim zyrtar. Po kështu u tha se Tea Trifoni dhe Shqipe Hysenaj do të jenë banoret e para. Të gjitha këto deri më tani kanë qenë në kuadrin e thashethemeve. Tea dhe Shqipja, janë bërë të njohura nga programi “Për’puthen”, dhe ende gëzojnë një famë të madhe.
Ndryshe nga edicionet e kaluara, këtë vit spektakli do të bëjë pjesë të shtëpisë më të madhe njerëz të famshëm, të cilët duhet të mësojnë të jetojnë larg komoditeteve të jetës së përditshme.
“Express Rozë” ka siguruar pamje të shtëpisë së re, e cila është ende duke u ndërtuar. Në fotografitë e publikuara shihet pjesa e jashtme e shtëpisë, e cila është në përfundim e sipër, ndërsa pishina dhe dhoma e rrëfimeve ka përfunduar.
