Situata politike në Shqipëri është më e tensionuar se kurrë më parë. Opozita ka djegur mandatet e deputetëve, pasi akuzon qeverinë Rama se ka blerë votat në zgjedhjet e vitit 2017, duke bashkëpunuar me krimin. Rrjedhimisht ata e cilësojnë si një qeveri të komanduar nga krimi dhe për këtë arsye kanë marrë një vendim ekstrem, si çështja djegia e mandateve.
Programi i partive opozitare tashmë është që të vazhdojnë me protesta deri në rrëzimin e Ramës nga kryeministër, e një gjë të tillë e konfirmoi edhe lideri i opozitës Lulzim Basha. Ish-kryeministri Sali Berisha është një nga njerëzit që ka akuzuar dhe ka zbuluar shumë skandale nga qeveria Rama. Ai mori vendimin që pas 28 vitesh të largohet nga klasa politike.
Rama pas këtyre trazirave politike vazhdon të akuzojë opozitën se i ka bërë shumë të këqija vendit gjatë kohës që ka qenë në pushtet, duke cilësuar fajtor pikërisht Sali Berishën. Ky i fundit ka ironizuar deklaratat e fundit të Ramës me një foto të postuar në Facebook ku i përgjigjet pyetjes: “Kush e ka fajin që po largohen shqiptarët?”, dhe në foton tjetër është Rama që shprehet: Fajin e ka Saliu sepse ai liberalizoi vizat.
