SPAK ka zbardhur detajet e operacionit që çoi në arrestimin e 9 zyrtarëve të lartë të Ministrisë së Brendshme: emrat dhe akuzën për secilin prej tyre lidhur me shpërdorimin e fondeve të tenderit 2.8 miliardë lekë të uniformave të Policisë së Shtetit.
Bëhet fjalë për 9 persona të arrestuar, mes tyre edhe titullarja e institucionit, Edlira Naqellari, sot e shkarkuar nga detyra, ndërsa hetimi vazhdon edhe për ish-ministrat Sandër Lleshaj dhe Olta Xhaçka.
Edlira Naqellari, ish-Drejtoresha e Prokurimeve Publike në Ministrinë e Brendshme, e cila u arrestua sot pas aksionit të SPAK në lidhje me abuzimet me prokurimet publike, rezulton se u shkarkua nga kjo detyrë tetë ditë më parë.
Naqellari u shkarkua më 2 korrik, ndërsa në vend të saj u komandua njëra prej drejtuesve të Njësive të Agjencisë, Nertila Mihali. Edlira Naqellari është motra e Kryetares së Gjykatës se Lezhës, Ornela Naqellari.
