Forumi rinor i Partisë Demokratike anëtarësohet zyrtarisht në Organizatën e studentëve demokratë, EDS. Lajmin e ka bërë publik kreu i FRPD-së, Belind Këlliçi, i cili shkruan se me vote unanime FRPD ishte e vetmja organizatë që u pranua si anëtarja më e re e EDS, organizata zyrtare e studentëve të Partisë Popullore Evropiane.
“Anëtarësimi ne këtë organizatë është nje mbështetje e jashtëzakonshme nga grupi me i madh politik i Europes për studentet, per rininë shqiptare, te sotmen dhe te ardhmen tone. Se bashku me EDS, FRPD do te hartoje një program bashkëpunimi mes studenteve shqiptare dhe atyre nga vendet Europiane për te fituar njohuri, eksperience por dhe rritur mundësitë për suksese e karriere personale”, shkruan kreu i FRPD.
EDS është organizata studentore më e madhe dhe e rëndësishme në Europë duke përfaqësuar 40 organizata rinore Europiane e miliona studentë. EDS ka gjithashtu një rrjet të gjerë bashkëpunimi me organizata studentore nga e gjithë bota.
