Aktori i njohur humorit, Rezart Veleshnja, i cili së fundmi është kthyer në një prej zërave më kritikë kundër qeverisë, ka reaguar lidhur me shkarkimin e inxhinierit Agim Seranaj, pedagog në Universitetin e Inxhinierisë.
Veleshja ka publikuar një lajm ku flitet për shkarkimin e inxhinierit, dhe krahas tij ai shkruan: “Jetojmë në kohën kur krimi nuk është as të vjedhësh, as të mashtrosh, as që të vrasësh… Sot krim quhet të thuash të vërtetën! Turp”.
Zv.dekani i Fakultetit të Inxhinierisë së Ndërtimit, Agim Seranaj, është shkarkuar pa asnjë motivim.
Seranaj është një nga ekspertët më të mirë në fushën e ndërtimit, që pas tërmetit të 26 nëntorit, është angazhuar për vlerësimin dhe riparimin e objekteve të dëmtuara.
Profesor Seranaj, njihet si një nga profesionistët dhe ekspertët më të mirë në vend.
