Në Gjykatën e Shkodrës, teksa pritet të jepet masa e sigurisë për ish-deputetin Bardh Spahia, militantë të PD-së kërkojnë lirimin e tij.
Seanca në ngarkim të tij do të mbahet me dyer të mbyllura. Ai ka qëndruar më shumë se 48 orë në izolim, ndërsa u ndalua live nga policia teksa shkonte në studion e Top Channel, për të qenë pjesë e një debati televiziv.
FNSH dhe policia ndodhen aty, të cilët nuk janë të paktë në numër, dhe janë rreshtuar para hyrjes së këtij institucioni.
E pranishme në protestë është edhe kryetarja e Bashkisë, Voltana Ademi.
