FMN dha sot gjetjet paraprake për monitorimin dy javor që i ka bërë parametrave të ekonomisë shqiptare. Yan Sun, shefja e misionit të FMN deklaroi se Shqipëria ka marrë disa goditje në ekonomi, që kanë sjellë një rritje të ndjeshme të inflacionit dhe ulje të rritjes ekonomike. Nga ana tjetër, ministrja e Financave tha se gjasat për një recension të ekonomisë tonë gjatë vitit të ardhshëm duken shumë të ulëta.
Yan Sun, shefja e misionit të Fondit Monetar Ndërkombëtar deklaroi se qeveria shqiptare e ka të vështirë të mbështesë kategoritë në nevojë, për shkak të borxhit të lartë publik dhe situatës ekonomike që po ngushtohet për shkak të luftës në Ukrainë. Sun tha se qeveria duhet të kanalizojë më mirë ndihmën ekonomike, për ta marrë ato kategori që kanë vërtetë nevojë për mbështetje.
Përfaqësuesja e FMN në Shqipëri, Yan Sun, deklaroi se amnistia fiskale përbën dëmtim për moralin tatimor. Ajo u shpreh se Shqipëria për arsye teknike si dhe të mos zhvillimit në disa elementë, nuk është gati për këtë projektligj.
“Ne kemi marrë ligjin që kur doli për konsultim publik, dhe kemi patur komentet dhe shqetësimet tona. Projekt ligji mund të konsiderohet si një kartë për të dalë nga burgimi i të gjitha detyrimeve tatimore.
Përfshin një falje te konsiderueshme, të atyre që kanë një heqje të interesave dhe penaliteteve. Gjithashtu dhe nga kontrolli i ligjit dhe fondeve të tyre. Qeveria duhet të korrigjojnë amnistinë në një program të projektit vullnetar. E po kështu me një sistem të përshtatëm për zbatimin.
Duhet të ketë kompetenca për publikun që ka një aftësi për të kuptuar një gjë të tillë. Sistemi i DPT, me kalimin e viteve duhet të ketë një ecuri akoma më të madhe, duhet të forcojë kapacitetet e veta. Ndërkohë qe aktualisht nuk është një këtë nivel. Për më tepër dhe në studime që janë bërë në tregje e vende në zhvillim është e vështirë që në të tilla kushte të bëhen ku ekziston mundësia e pastrimit të parave dhe terrorizmit”, tha përfaqësuesja e FMN-së.
“Kemi rekomanduar që mbështetja të jetë më e shënjestruar, që ta marrin ata që vërtetë kanë nevojë. Është e rëndësishme të shkohet drejt ruajtjes së energjisë. Kemi rritje të inflacionit, kështu që politika fiskale duhet të shkojë në një linjë, pra dhe ministria dhe institucionet e tjera nuk mund të shkojë kundër kësaj. Shteti t’i zbatojë si duhet këto politika, që të marrin ndihmë ata që kanë vërtetë nevojë”, u shpreh Sun.
