Policia e Shtetit informon qytetarët në lidhje me masat se si do të procedohet për nesër. Të dielën do të jenë të hapura të gjitha bizneset, si dhe do jetë e lirë lëvizja për këmbësorët.
Policia u tërheq vemendjen qytetarëve, se nuk do lejohet në asnjë qytet të vendit qarkullimi i automjeteve.
Sikundër e bëri me dije edhe pak më herët kryeministri Rama, edhe për këtë fundjavë nuk do lejohet hyrja dhe dalja në zonat e kuqe. Gjatë 24 orëve të fundit janë konfirmuar 23 persona me COVID-19.
Policia e Shtetit
Në kuadër të zbatimit të masave kufizuese për parandalimin e përhapjes së COVID-19, Policia e Shtetit njofton të gjithë qytetarët se në datën 31.05.2020 do të jenë të hapura të gjitha bizneset, si dhe do jetë e lirë lëvizja për këmbësorët, por nuk do lejohet në asnjë qytet të vendit qarkullimi i automjeteve.
Gjithashtu, edhe për këtë fundjavë nuk do lejohet hyrja dhe dalja në zonat e kuqe, si dhe ndalohet lëvizja drejt plazheve nga zonat që nuk janë zona bregdetare.
Policia e Shtetit kërkon mirëkuptimin e qytetarëve që të zbatojnë me rigorozitet ndalim-qarkullimin me automjete për ditën e nesërme, si dhe të respektohet distancimi social në të gjithë vendin.
