Spitali ‘Shefqet Ndroqi’, i njohur ndryshe si Covid-2 ka pasur fluks pacientësh të infektuar ditën e sotme.
‘News24’ bën të ditur se në urgjencë tashmë nuk ka më vende të lira dhe aq më pak në spital, ku shtrimet janë në kapacitetin maksimal me 220 të shtruar.
Nga ora 11:00 deri ne orën 13:00 në spitalin e Covid-2 kanë mbërritur 5 urgjenca mjekësore me pacientë në gjendje të rënduar, që kanë qëndruar në pritje të lirimit të shtratit në urgjencë nga 30 minuta deri në 2 orë.
Në 24 orët e fundit në urgjencën e këtij spitali kanë mbërritur 35 urgjenca, kryesisht nga Tirana, ndërsa kanë ndërruar jetë 4 persona.
Kurba e koronavirusit vijon të mbetet e lartë në vend, pasi në 24 orët e fundit u regjistruan 1.039 raste të reja dhe 15 viktima.
