Arben Kraja, në cilësinë e kreut të Prokurorisë së Posaçme i është drejtuar Këshillit të Lartë të Prokurorisë me një kërkesë për shtimin e stafit me dy prokurorë të tjerë. Sipas tij, në SPAK ka një fluks kallëzimesh dhe është e pamundur të përballohen me vetëm 10 prokurorë që ka në dispozicion aktualisht kjo strukturë.
Për këtë arsye, Kraja ka kërkuar dhe dy prokurorë të rekomanduar shtesë.
Nga ana tjetër, KLP-ja duket se ka bërë një “vesh shurdh” për kërkesën e SPAK. Në mbledhjet e fundit që kjo strukturë ka zhvilluar kërkesa e SPAK-ut nuk është përfshirë në rendin e ditës.
Pak javë më parë KLP ka komanduar në SPAK dy prokurorët Vladimir Mara dhe Dritan Prençi, me kërkesë të Krajës, duke e çuar në 10 numrin e prokurorëve të strukturës.
