Raportuesi për Shqipërinë në Parlamentin Evropian, Knut Fleckenstein, duke shprehur shqetësimin për situatën politike në vend, thotë se ende nuk ka parë asnjë ndryshim nga vizita e tij e fundit në Shqipëri. Progresi duhet se është larg, e ndërsa protestat janë kthyer në të vetmen rrugë të opozitës së bashkuar për të larguar Ramën. Në një intervistë për “RTV ORA”, Fleckenstein tha se mbetet në pritje të lajmeve të mira.
“Nuk ka ndryshuar asgjë që prej kohës që kam qenë këtu. Për mua është shumë e rëndësishme që shoqëria civile të organizohet. Ne duam lajme të mira nga ky vend, që kjo ta ndihmojë Shqipërinë në Këshillin e Evropës në qershor”.
Po kështu ai ka kërkuar nga palët politike që ti japin fund kësaj situate të tensionuar, dhe të gjejnë gjuhën e përbashkët.
“Jo, ka ardhur koha që ky vend të dëshmojë se i zgjidh vetë problemet e veta. Nuk është viti i parë, por 30 vjet pas rënies së regjimit, nëse të gjitha palët do të dëshironim, jam i sigurtë që ne mund të gjenim një mënyrë për ti mbështetur ata. Por mos na i transferoni ne problemet për t’ia zgjidhur ne këtë problem. Ky është problem që do të duhet të zgjidhet nga pakica dhe shumica e këtij vendi”.
