Në një prej ndeshjeve më të mëdha të historisë së futbollit, fokusi ishte tek flamuri shqiptar, që u shpalos në Santiago Bernabeu.
Ishin minutat shtesë të ndeshjes mes Real Madrid dhe Mançester Sitit. Një tifoz hyri në fushën e lojës, duke shpalosur në pak sekonda flamurin kuqezi.
Tifozi, identiteti i të cilit nuk bëhet ende i ditur, shihet në këtë video se si ia doli që të hynte në fushën e lojës, në një eveniment ku siguria është maksimale.
Ai veproi me shpejtësi për të nxjerrë flamurin që kishte fshehur poshtë bluzës teksa “dribloi” Militaon, i cili u mundua ta ndalte. Tentativa e forcave të sigurisë ishte e kotë, pasi ata nuk arritën ta kapnin.
Ai iu drejtua Benzema dhe shkoi të përqafonte francezin. Vetëm në atë moment u arrit nga forcat e sigurisë të cilat e neutralizuan dhe e shoqëruan jashtë stadiumit.
