Shqipëria do të ndeshet në mbrëmje në transfertë me Andorrën. Fitorja është detyrim. S’duhet harruar se pavarësisht të gjithë probleme ka pasur, përballë do të jetë një përfaqësuese ku pjesa dërrmuese e lojtarëve janë gjysmë-profesionistë.
Trajneri Ervin Bulku do të debutojë në stolin e kombëtares shqiptare ditën e nesërme. Kolegët e “Supersport” ndodhen që prej ditës së djeshme në Andorrë dhe sipas tyre, Bulku ka përgatitur një formacion titullar me shumë ndryshime krahasuar me formacionin e përdorur nga Panucci në ndeshjen ndaj Turqisë.
Berisha qëndron i paprekur në portë, ndërsa mbrojtja qëndron e njëjtë, por “revolucioni” fillon në mesfushë. Abrashi dhe Memushaj ulen në stol për t’i lënë vend Kaçes dhe Bashës, Taulant Xhaka është i vetmi i mbijetuar në këtë repart.
Ndryshime pritet të ketë dhe në majën e sulmit, ku do të rikthehet nga minuta e parë Armando Sadiku, i cili do të mbështetet nga Eros Grezda dhe Myrto Uzuni.
Formacioni i mundshëm: Berisha; Hysaj, Gjimshiti, Ismajli, Veseli; Basha, Grezda, Kaçe, Xhaka, Uzuni, Sadiku.
