Një 35-vjeçar shqiptar, Genti Jankula, punonjës i një kroçere turistësh, ka fituar betejën ligjore kundër kompanisë Carnival Cruise Line, pasi kjo e fundit refuzoi për t’i siguruar atij shpenzimet mjekësore.
Ai u bashkua me anijen Carnival Valor më 7 dhjetor 2014, në moshën 30-vjeçare. Në të njëjtën ditë, ndërsa ngjitej për në kabinën e tij, doreza e shtratit u shkëput dhe Jankula ra mbrapa dhe theu shpinën.
Ai u dërgua në Shqipëri për të marrë trajtim, ku mjekët thanë se ai kishte fraktura të konsiderueshme kurrizore. Sidoqoftë, Carnival pushoi së paguari për trajtimin mjekësor të Jankula pas disa muajsh.
Shqiptari do të fitojë 1.3 milionë dollarë dëme nga kompania e kroçereve. Ai kishte fituar më parë një çmim arbitrazhi prej 1,357,831,40 dollarë. Por Korporata Carnival në Shtator 2018 injoroi çmimin duke thënë se ishte i padrejtë sipas argumenteve të kompanisë.
Sakaq, në muajin shtator të 2018, një gjykatës në Monako caktoi që Carnival Cruise duhet të paguajë 1.3 milionë dollarë për shpenzime mjekësore, humbje të fitimeve dhe trauma me të cilat përballet ish-punonjësi. Sipas tij, kompania në fjalë e ka neglizhuar këtë çështje. Mirëpo, Carnival e kundërshtoi vendimin. Më pas, shqiptari e çoi materialin në një gjykatë më të lartë. Ai shkoi në Gjykatën Federale në Miami dhe gjykatësi amerikan, Ursula Ungaro vendosi në favor të tij dhe i kërkoi Carnival ta dëmshpërblente.
