Firmat piramidale ishin një “parajsë” 3 vjeçare ekonomiko-financiare për shqiptarët, të cilët braktisën punën, bizneset dhe interesin për punën, duke menduar se fitohej pa punuar.
Falimentimi i 25 kompanive të tilla u zhvati shqiptarëve mbi 1.2 miliardë dollarë. Shumica e parave, nisën të dalin jashtë vendit që para zgjedhjeve të majit 1996, dhe më masivisht në fundin e atij viti, dhe fillimin e 1997-ës.
Më 16 janar, nisën protestat e para të dhunshme në qytetet e jugut. Ndërkohë në Tiranë, presidenti Sali Berisha, premtonte pa asnjë bazë, kthimin e plotë të parave të humbura, ndonëse PD kishte përgjegjësinë kryesore të lejimit të tyre.
Përgatiti Tirana Today
