Kryeministri Edi Rama njofton se do të rimbursohet 100% paketa bazë e trajtimit ambulator në banesë, për personat e prekur me COVID-19. Me anë të një postimi në Facebook, kreu i qeverisë bën me dije se financimi Anti-Covid për trajtimin në banesë përfshin paketën 1.2 miliard lekë.
Dje Komiteti Teknik i Ekspertëve doli në një konferencë për mediat, ku prezantoi masat e reja shtesë për frenimin e përhapjes së koronavirusit.
Drejtoresha e ISHP, Albana Fico, tha për mediat se do të ndalohen grumbullimi më shumë se 10 persona në ambient të hapur dhe të mbyllur si dhe tubimet. Në mes të këtyre rregullave ishte edhe ndalimi i mbledhjeve partiake, gjë e cila ndikon në fushatën zgjedhore. Komiteti do vijojë të monitorojë situatën, dhe do të veprojë në bazë të vlerësimit që i bëhet situatës pandemike.
