Vaksinat kryesore anti-Covid/ Sa kushtojnë dhe kush i ka blerë

Vaksina e kompanisë amerikane, Moderna, është 94 për qind efektive në parandalimin e Covid-19. Përbëhet nga 2 doza, dhe kushton 32-37 dollarë për dozë.

100 milionë dozat e para i ka blerë tashmë SHBA. Kanadaja ka porositur 56, Britania 50, dhe Zvicra 4.5 milionë doza.

Vaksina e Pfizer-BioNTech, është mbi 90 për qind efektive. Kostoja për 1 dozë është 20 dollarë. Bashkimi Evropian ka porositur mbi 300 milion doza.

Japonia do blejë 120 milionë ndërsa SHBA-ja 100 milionë doza. AstraZeneca po zhvillon vaksinën e saj në bashkëpunim me Universitetin e Oksfordit. Ajo mund jetë gati para vitit të ri.

SHBA dhe India, do të blejnë 500 milionë doza, ndërsa BE 400 milionë doza. Çmimi i kësaj vaksine, do jetë shumë modest: 3-4 dollarë.

Vaksina e kompanisë Johnson & Johnson, do ketë vetëm një dozë. Mendohet se do kushtojë rreth 10 dollarë. BE ka porositur tashmë 200 milionë doza, SHBA-ja 100 milionë, dhe Britania 30 milionë doza.

                                         TIRANA TODAY