Bashkëkryetarja e Komisionit Parlamentar për Reformën Zgjedhore, Rudina Hajdari ka dalë kundër propozimit të PD-së për financim 100% të partive politike nga buxheti i shtetit. Me argumentin se nuk është e drejtë që t’u kërkohet qytetarëve shqiptarë të financojnë edhe buxhetin për partitë.
“OSBE është shprehur gjithmonë e gatshme për të na ndihmuar, por edhe ekspertët që ishin aty. Propozimet nga opozita parlamentare dhe jashtë parlamentare ishin konkrete.
Ndryshe nga më parë, jemi të kënaqur që opozita jashtë parlamentare qëndroi deri në fund, pasi komunikim me zotin Kaso.
Financimi 100% është një nga propozimet e tyre kyçe, por t’u kërkohet shqiptarëve të paguajë për partitë nuk është e drejtë. Mund të krijojë një treg të zi akoma më problematik.
‘Reforma Zgjedhore’ OSBE-ja tryezë me dyer të mbyllura. PD-ja pjesë e punimeve
Duhet të ketë një vullnet të qartë për këtë propozim, nëse nuk bëhet do ta thellonim krizën për infiltrimin e lekëve të pista. Duhet të jemi më realist dhe konkret, mos i kërkojmë shqiptarëve të financojnë edhe buxhetin për partitë”, deklaroi Hajdari.
Ndër të tjera, deputetja u shpreh se ndryshimi i sistemit mbështetet edhe nga shoqëria civile. Ndërsa theksoi se nëse është e nevojshme do ta çojnë deri në referendum.
“Ne jemi të vetëdijshëm që partitë kryesore nuk duan ndryshimin e sistemit. Referendumi është i vështirë, por ndoshta edhe me mbështetjen e Presidentit mund ta realizojmë”, tha Hajdari.
Reforma Zgjedhore/ Gjiknuri: Propozimet e PD-së janë të mirëpritura
