Kryetarja e Bashkisë Shkodër, Voltana Ademi i ka bërë kërkesë Ministrisë së Shëndetësisë, për lejimin e tifozëve në finalen e Kupës së Shqipërisë, e cila do të luhet midis Vllaznisë dhe Skëndërbeut.
Sipas Ademit, situata nga pandemia po përmirësohet, ndaj kërkoi që kjo sfidë të zhvillohet pjesëmarrjen e 30% të tifozëve, në stadiumin ”Air Albania”.
Finalja do të luhet me 31 mja, teksa zyrtarisht Komiteti Teknik i Ekspertëve ka deklaruar se do të lejojë praninë e tifozëve në stadiume nga data 1 qershor.
Postimi i Ademit në rrjetin social, Facebook
Ditën e hënë, datë 31 maj 2021, në stadiumin “Air Albania” ekipi ynë i zemrës Vllaznia, ndeshet përballë Skenderbeut të Korçës në finalen e Kupës së Shqipërisë në futboll.
Kjo ndeshje vjen pas një sezoni të jashtëzakonshëm ku pasi jemi shpallur nënkampion të Shqipërisë, rikthehemi pas më shumë se një dekade në finalen e Kupës së Shqipërisë ndaj një emri të madh të futbollit shqiptar siç është Skenderbeu.
Përballë një ecurie kaq pozitive, sigurisht, mungesa e tifozëve mbetet një nga keqardhjet më të mëdhaja!
Duke parë se tashmë situata e pandemisë globale COVID-19 është çdo ditë e më tepër duke u përmirësuar, duke parë që në të gjitha vendet europiane tashmë finalet e kupave po zhvillohen me pjesëmarrjen e 30% të tifozëve, Bashkia Shkodër i bën kërkesë autoriteteve publike e në mënyrë të veçantë Ministrisë së Shendetësisë dhe Mbrojtjes Sociale:
Ditën e finales, me datë 31 maj 2021, duke respektuar rigorozisht të gjitha protokollet dhe masat anti- Covid, të lejojë prezencën e pjesësemarrjen e tifozëve në 30% të kapacitetit të stadimumit “Air Albania”!
