Vijon ende mbajtja e mërisë nga ana e Çiljetës ndaj Fifit, e për këtë, kjo e fundit ka shfrytëzuar rastin kur ka qenë e ftuar në një emision, për ti kërkuar falje. Pas një zënke në “Kënga Magjike”, marrëdhënia mes këngëtareve është prishur.
Fifi ka folur në “Thumb” për këtë prishje të miqësisë, duke u shprehur se ka ardhur për shkak të pikëve që ajo i ka dhënë Çiljetës në “Kënga Magjike”. Fifi ka thënë më tej se gjithçka ka ndodhur pasi Çiljeta është ndjerë e fyer, kur i ka dhënë 7 pikë.
“Asgjë s’ka ndodhur, përveçse punës së pikëve tek “Kënga Magjike”. Është ndjerë e ofenduar dhe e fyer dhe jo e respektuar, se unë i kam dhënë 7 pikë.
Por duhet të ishin ata që s’u kam dhënë pikë fare të mërzitur. Çiljeta e di shumë mirë çfarë vendi ka tek unë. Jo, nuk flasim. Çiljetës i kam kërkuar falje publikisht dhe i kërkoj falje prapë.
I kam çuar mesazh dhe i kam thënë: Nëse respekti im ndaj teje vërehet nga pikët e “Kënga Magjike”, atëherë nuk kemi çfarë diskutojmë më shumë. Nuk më ka kthyer. Nuk e kam bërë me qëllim atë. Unë doja të nxirrja Fifin artiste, jo mike. Fifi është pak më shumë artiste, sesa mike”, ka thënë më tej ajo.
