FIFA ka bllokuar merkaton për klubin shqiptar të Skënderbeut.
Lajmi bëhet i ditur nga Euronews Albania, e cila zotëron vendimin e marrë nga FIFA. Vendimi në fjalë e ndalon klubin korçar të bëjë lëvizje në merkato, të paktën për momentin.
Shkak i këtij vendimi është gjyqi i humbur nga klubi me futbollistin Kaba Sambou 15 janarin e kaluar. Skënderbeu i detyrohet 90 mijë euro lojtarit nga Gambia.
Në rast se nuk do ta paguajë brenda 45 ditëve të ardhshme, atëherë nuk do të mund të bëjë asnjë lëvizje në merkato deri në momentin e bërjes së pagesës.
