Mbështetësit e opozitës janë nisur nga Fieri drejt Tiranës, për të marrë pjesë në protestë. Kreu i PD-së Fier, Luan Baçi, ka paralajmëruar kryeministrin Rama që të japë dorëheqjen. Ai tha se aksioni opozitar është në vazhdimësi, e ndërsa protesta e sotme do të jetë më e fuqishmja që ka ndodhur deri më tani.
“Sot Rama merr paralajmërimin e fundit. Aksioni opozitar është në vazhdimësi. Rama bën mirë të jap dorëheqjen, dhe të lërë presionet dhe shantazhet.
Të lërë retorikën e tij të sëmurë, burg, burg, burg, se nuk i tremb dot qytetarët shqiptarë. Çelja e fushatës dhe mënyra e hapjes së saj ishte një fushatë funerali për Rilindjen e tij.
Është mirë të mbledh mendjen e të japë dorëheqjen, për të mirën e PS dhe të qytetarëve shqiptarë. Protestat do vijojnë, kjo e sotmja është më e fuqishme. Do të vijojmë deri në rrëzimin e tij, dhe nuk ka asnjë shans të shkojë në zgjedhjet e 30 qershorit”, deklaroi Baçi.
