Detaje të reja janë zbardhur nga ngjarja e rëndë që ndodhi në Fier. 50-vjeçari u qëllua me armë zjarri në kokë, në orën 6 të mëngjesit të sotëm, teksa po përcillte bashkëshorten në punë.
Fqinjët e 50-vjeçarit, Ahmet Toksa, kanë dëgjuar 3 herë krisma dhe më pas kanë dëgjuar bashkëshorten e viktimës teksa bërtiste.
Sipas tyre, autori ka qenë i maskuar dhe është larguar në këmbë, pasi nuk kishin parë asnjë mjet që të kalonte në atë orë.
“Dëgjuam krisma armësh, i njohim si familje e mirë. Po shoqëronte gruan për në punë, në një furrë buke. Ai vetë punonte në një pikë karburanti. Dëgjova ulërima, bashkëshortja po bërtiste “ma vranë-ma vranë”. Autorët kanë qenë pa makinë, nuk kemi parë asnjë makinë të kalojë”, u shprehen për mediat fqinjët e çiftit.
Policia dhe grupi hetimor kanë sekuestruar të gjitha kamerat e sigurisë, për të zbardhur më shumë detaje lidhur me autorin.
