Ish-nënkryetari i LSI-së, Luan Rama, ka përcjellë një urim për ditëlindjen e ish-kryeministrit socialist Fatos Nano, i cili sot feston 69-vjetorin e lindjes. Rama ka publikuar një foto, ku shfaqen të dy së bashku shumë vite më parë, ndërkohë që gjen fjalët më të përzgjedhura për mikun e tij në këtë ditë të veçantë.
“PËR FATOS NANON,
NË DITËN E LINDJES…
Gëzuar, edhe pse nuk mjafton asnjëherë kjo fjalë për të sjellë përmasën e vërtetë të urimit dhe mirënjohjen për një mik!
Qofsh jetëgjatë e shëndetmirë,
dhe festofsh një shekull ditëlindje!”.
Lideri historik i Partisë Socialiste, Fatos Nano, ka lindur në vitin 1952 në Tiranë. Ai filloi karrierën e tij politike ne vitin 1991, pasi u zgjodh kryeministër i qeverisë së tranzicionit me qëllim që të organizojë zgjedhjet e para demokratike në Shqipëri, në po atë vit dhe të përgatisë vendin për tranzicionin drejt një ekonomie tregu dhe sistemi demokratik.
Zgjedhjet në 31 mars 1991, u fituan nga Partia Socialiste dhe ai u caktua përsëri kryeministër. Pas dy muajsh, ai u detyrua të jap dorëheqje. Atë vit ai u zgjodh kryetar i Partisë Socialiste, e cila ishte pasardhëse e Partisë së Punës së Shqipërisë.
