Pas titullit të parë në histori, në sezonin 2010–11, Shkëndija e Tetovës kthehet në majën e futbollit maqedonas dhe fiton titullin e dytë, me një ecuri rekord. Fitorja 2-0 sot ndaj Shkupit e ka çuar Shkëndijën në kuotën e 75 pikëve në 29 ndeshje, plot 26 pikë mbi Vardarin, rival i egër.
Një ecuri e jashtëzakonshme, me një skuadër super dhe dy fenomenë në sulm, Ibraimi dhe Hasani, nga 19 gola secili deri tani. Diferenca me ekipet e tjera është dukshëm e madhe pasi Shkëndija është shpallur kampion kur janë për tu luajtur edhe 7 javë të kampionatit. Titulli i dytë, tashmë synohet edhe kupa e Maqedonisë, me finalen që luhet muajin e ardhshëm.
