Festat e fundvitit kanë rikthyer fluksin e hyrjeve në pikën e kalimit kufitar të Kapshticës. Për festat e fundvitit, janë të shumtë qytetarët shqiptarë të cilët kthehen në vendlindje.
Në 24 orët e fundit, nga kjo pikë kalimi kanë hyrë 3.311 shtetas të huaj dhe shqiptarë, duke shënuar kështu rritje të ndjeshme të lëvizjes së qytetarëve në hyrje të vendit tonë.
Sakaq, vetëm javën e fundit nga pika e kalimit kufitar të Kapshticës kanë hyrë gjithsej 20.561 qytetarë.
