Nuk ka dyshim se meshkujt dhe femrat jetojnë në planete të ndryshme madje edhe në universe të ndryshme. Ata bëjnë gjithçka ndryshe, nga gjestet e tyre deri në mënyrën e të menduarit. Por a janë vërtet të ndryshëm?
Ja disa nga dallimet mes meshkujve dhe femrave.
- Mënyra sesi pozojnë në foto
I kërkuam Julia dhe Mark të zgjedhin një pozë që mendonin se dukeshin më mirë në foto. Marku u kthye në drejtim të kamerës dhe zgjati krahët përpara. Julia zgjodhi të pozonte në profil. Meshkujt përpiqen të shohin sa më shumë që të jetë e mundur në aparat. Ata duan të zënë më shumë hapësirë dhe të demonstrojnë pjesën e sipërme të trupit. Femrat duan të duken të vogla dhe elegante. Ato kujdesen për krahët dhe këmbët.
- Mënyra sesi mbajnë një objekt
Julia e mban shishen me të dyja duart, dhe me një dorë e shtrëngon shishen në pjesën e poshtme. Marku preferon të përdorë vetëm një dorë dhe mban shishen te qafa. Shumica e femrave e mbajnë objektin nga poshtë. Meshkujt zakonisht përpiqen ta mbajnë në një anë, edhe nëse objekti është shumë i rëndë, vetëm për të treguar se janë shumë të fortë.
- Mënyra sesi i tregojnë duart
Shumica e grave përpiqen të paraqesin manikyrin e tyre ose rregullsinë e thonjve dhe lëkurës së tyre, prandaj ato kryesisht tregojnë anën e sipërme të duarve. Te meshkujt ka më shumë rëndësi madhësia dhe integriteti. Duart duken më të mëdha nëse i tregoni pëllëmbët.
- Si kthehen kur i thërrasim
Nëse thërret një mashkull dhe një femër, ata do të kthehen në mënyra të ndryshme. Meshkujt kthejnë tërë trupin e tyre, ndërsa femrat vetëm kokën.
- Zgjidhni 5 gjëra që do të merrni me vete për një udhëtim 5-ditor
Gjërat që meshkujt dhe femrat zgjedhin për një udhëtim përcaktohen nga mënyra e tyre e të menduarit dhe nga nevojat e tyre.
Julia: “Do të merrja një brisk, një kartë krediti, një furçë dhëmbësh, një shampo dhe një krem dielli. Mendoj se produktet higjienike janë absolutisht të nevojshme dhe pjesa tjetër mund të blihet në hotel”.
Marku: “Do të merrja kartën time të kreditit, të gjitha të tjerat mund të blihen aty ku do shkojmë, do të merrja edhe disa pilula që mund të më duheshin, një hekur dhe një aparat fotografik për të kapur momentet interesante”.
Për shkak se femrat kanë aftësi më të mira të të menduarit abstrakt, ato parashikojnë lehtësisht situata të ndryshme. Ato gjithmonë i mendojnë gjërat që mund të ndodhin në të ardhmen. Meshkujt marrin vetëm gjërat më të nevojshme të momentit.
- Mënyra si zhvishen
Meshkujt i heqin bluzat e tyre duke i tërhequr nga jaka, ndërsa femrat nga anët.
Kjo ndodh për shkak se meshkujt përdorin pjesën më të fortë të trupit: krahët. Femrat përdorin tërë trupin.
- Si rehatohen
Femrat kryqëzojnë këmbët kur ulen kurse meshkujt i hapin ato. Kjo na tregon 2 gjëra:
Së pari: Për shkak të dallimeve fiziologjike në strukturën e legenit, burrat dhe gratë ulen ndryshe.
Së dyti: Këmbët e hapura të meshkujve tregojnë dominim, dhe këmbët e kryqëzuara të grave janë një shenjë modestie.
- Hidhni një top
Meshkujt i hedhin sendet e rënda duke vënë një dorë pas kokës. Femrat i mbajnë objektet me të dy duart përpara, duke përdorur gjithë peshën e tyre.
- Kollitja
Kur meshkujt kolliten, ata mbulojnë gojën me grusht. Femrat përdorin pëllëmbën e tyre dhe kthejnë pak kokën.
- Përgjumja
Kur meshkujve u vjen gjumë dhe hapin gojën, përdorin vetëm një dorë për të mbuluar gojën. Femrat përdorin dy duart bashkë për shkak se duart e tyre janë më të vogla.
- Rregullimi i flokëve
Zakonisht meshkujt i mbajnë flokët e tyre të shkurtër dhe të hedhur mbrapa, prandaj ata i rregullojnë me një dorë. Gratë përdorin të dyja duart për të rregulluar çdo fije floku.
- Përzgjedhja e vajzës më të bukur
Mark: “Është e vështirë, por unë zgjedh foton e katërt. Më pëlqeu që fytyra është ekspresive dhe më e bukur se në fotot e tjera. Gjithashtu më pëlqente rregullsia në tiparet e vajzës.”
Julia: “Më pëlqen numri 3. Flokët janë të bukur, trupi dhe fytyra janë shumë seksi. Nuk më pëlqejnë numrat 4 dhe 5 sepse ato janë shumë të artificiale”.
Kur meshkujt takojnë një femër, ata vërejnë trupin dhe fytyrën e saj. Megjithatë, pjesa më e rëndësishme për ta është fytyra: buzët, sytë dhe buzëqeshja. Kur femrat shikojnë një femër tjetër, ato shohin më shumë. Ato vërejnë nëse trupi përputhet me pamjen dhe rrobat e saj. (TIRANA TODAY)
