Në puntatën e djeshme në “Për’puthen” janë nxehur gjakrat mes Arjan Konomit dhe Anës. Pas diskutimit në studio mbi publikimin e një videoje në italisht nga Arjoni, sipas të cilit sqaronte të vërtetën e fotografisë nga shtrati me Anën, ka folur vetë kjo e fundit.
Konkurrentja e “Për’puthen” ndodhej në një lidhje në Skype për të folur rreth videos së fundit, të publikuar nga Arjoni. Ana i tha Arjanit se po ndihej “e sulmuar” prej tij, duke shtuar se ai mund të jetë takuar me Arjonin e të ketë ndryshuar mendim. Një deklaratë e tillë revoltoi Konomin, i cili e cilësoi Anën të pafytyrë.
Arjani: Nuk është mençuri t’i shkosh dikujt që të do në shtëpi në atë orë. S’të besoj, vetëm një femër e pacipë mund të reagojë në këtë mënyrë, me mua, që më thua ke folur me Arjonin. Mendoj që thua gënjeshtra.
Ana: Të premten më mbështete, tani m’u ktheve me shpatë.
Arjani: Sepse ishe e prekur, s’të bëra pyetje. Paske gojën brisk për të folur në këtë situatë. Të më thotë ke folur me Arjonin ti, ke ndryshuar mendim.
Ana: Duhet të jesh asnjëanës.
Arjani: S’do ma tregosh ti si do jem. Mendoj që gënjen, dukesh që gënjen, ke patur lidhje me Arjonin.
Ana: Do më kërkosh falje publike.
Arjani: I bëjnë gjërat dhe i mohojnë me pafytyrësi.
Ana: Do u vërtetoj më fakte që e kundërta do dalë në dritë.
